be
pdf

Belarus Live 29.08.2008

Newsletter

2 верасьня ў Друскінінкаі адбылася сустрэча прэм'ер-міністра Беларусі Сяргея Сідорскага зь летувіскім калегам Гедымінасам Кіркіласам. Некалькімі тыднямі раней на памежным пераходзе Сідорскі сустрэўся з кіраўніком латвійскага ўраду Іварам Годманісам. На думку назіральнікаў, гэта сьведчыць аб жаданьні Эўразьвязу заахвоціць Менск да збліжэньня. Рэч у тым, што ў свой час Брусэль увёў забарону на кантакты зь беларускімі чыноўнікамі, ранг якіх вышэйшы за намесніка міністра. Так што зараз фактычна ЭЗ парушае ўласнае табу. Разам з тым, гэта можна трактаваць і як праяву разумнай гнуткасьці. Менавіта зараз зьявіўся асаблівы шанец на нармалізацыю дачыненьняў між Беларусьсю і Захадам, паколькі кіраўніцтва краіны шукае паратунку ад расейскай эканамічнай ды палітычнай экспансіі. На сустрэчы ў Друскінінкаі Гедымінас Кіркілас зазначыў: «Беларусь ступіла на шлях прагрэсу — запрасіла назіральнікаў АБСЭ і вызваліла палітзьняволеных». Як паведамляюць летувіскія мэдыі, Г. Кіркілас назваў гэтую сустрэчу «вельмі сяброўскай».

Каталёг: Kamunikat.org
Пэрыёдыка: Belarus Live
  • Месца выхаду: Мінск
  • Дата выхаду: 2008-08-29
  • Copyright: © 2006-2009 by Belarus Live
  • Кнігазбор: Kamunikat.org
  • Дадатковая даведка: http://belarus-live.eu
Камунікат.org – Беларуская Інтэрнэт-Бібліятэка
Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк
Fundacja Kamunikat.org | KRS 0000735360 | NIP 5423316380 | REGON 380450384 ul. Proletariacka 11 |15-449 Białystok| Polska
Правы © 2000-2024 by Kamunikat.org