be
pdf

Сьвітанак 4 (94) 2010

Незалежная газета Шуміліншчыны

Бліжэй да народа. Дэпутат Палаты прадстаўнікоў Нацыянальнага сходу Рэспублікі Беларусь В. М. Байкоў праз тэлефонную сувязь сустракаўся з народам. На працягу дзвюх гадзін жы­хары нашага раёна мелі магчымасць паведаміць дэпутату пра свае набалелыя пра­блемы. На гэты раз Байкова не здзівілі дробязныя пытанні, якія павінны былі вырашац­ца на месцах чыноўнікамі выканаўчай галіны ўлады. Людзі найперш скардзіліся дэпутату на дыскамфор­тныя ўмовы пражывання. Звяртацца да прадстаўнікоў вышэйшай заканадаўчай галіны ўлады па камуналь­ных праблемах іх прывучылі яшчэ за савецкім часам. Таму і палатачнік быў вымушаны ўважліва выслухоўваць скаргі на праржавелыя трубы, на работу рэйсавага транспарту і прыватнага гандлю, якасць пітной вады ў калодзежах. Да прыкладу, у пасёлку Обаль на вуліцы Паддубнай камуналь­ныя службы забылі ўцяпліць калонкі. Вада замерзла, жы­харам даводзіцца хадзіць за вадой на суседнюю вуліцу. Як высветлілася потым, і вадапра­водныя сеткі патрабуюць за­мены. Наогул, як і ў Шуміліне, Обалі і вёсках раёна не хапае грашовых сродкаў на рамонт вадаправодаў. У вёсцы Язвіна некаторыя вяскоўцы бяруць ваду з закінутай студні. Ста­рэйшына з вёскі Пабеда В. А. Грузневіч прасіў Байкова паклапаціцца аб правядзенні газавай веткі. Жыхары Пабе­ды нічым не горшыя за іншых, яны таксама хочуць кары­стацца прыродным газам.

Каталёг: Kamunikat.org
Пэрыёдыка: Сьвітанак
  • Месца выхаду: п/а Амбросавічы, Шумілінскі раён
  • Дата выхаду: 2010-02
  • Рэдактар: Шчамлёў Аляксандр
  • Copyright: © 2008-2010 by Сьвітанак
  • Кнігазбор: Kamunikat.org
Камунікат.org – Беларуская Інтэрнэт-Бібліятэка
Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк
Fundacja Kamunikat.org | KRS 0000735360 | NIP 5423316380 | REGON 380450384 ul. Proletariacka 11 |15-449 Białystok| Polska
Правы © 2000-2024 by Kamunikat.org