be
pdf

Народная Воля 69 (4424) 2019

Цэнтральнай падзеяй Дня беларускага пісьменства, які прайшоў 1 верасня ў Слоніме, стала адкрыццё на цэнтральнай гарадской плошчы помніка Льву Сапегу. Плошча і прылеглыя да яе вуліцы ледзь змясцілі ўсіх ахвотнікаў папрысутнічаць на гэтым сапраўды гістарычным для горада мерапрыемстве. Пяціметровы бронзавы Сапега з гетманскай булавой у адной руцэ і каралеўскім прывілеем на выданне Статута ВКЛ у другой сапраўды ўражвае (трэба аддаць належнае знакамітаму скульптару Івану Міско, які родам з-пад Слоніма). Тысячы ўдзельнікаў і гасцей свята асобна і цэлымі кампаніямі цэлы дзень фатаграфаваліся на фоне канцлера – ажно ўтварылася даўжэзная чарга. Паказальны той факт, што на выраб помніка не было затрачана ні рубля бюджэтных грошай – гараджане сабралі іх на суботніках. Таму помнік з поўным правам можна назваць народным. Праўда, стаіць ён чамусьці на плошчы Леніна, на што звярнуў увагу прысутных у сваім выступленні Іван Міско. На яго думку, гэта ўжо ўспрымаецца як недарэчнасць, і плошча неўзабаве таксама павінна стаць Сапегаўскай. Як трапна заўважыла адна пажылая сланімчанка, схаваўшыся ад па-летняму спякотнага сонца ў ценю харугвы старажытнага Слоніма, Сапега засланіў сабой Леніна. І наступіць час, калі яму, бальшавіцкаму правадыру, наогул не знойдзецца месца ў горадзе па-над Шчарай. Да Дня пісьменства з’явіліся ў Слоніме новая кнігарня “Санет”, графіці гістарычнага зместу на фасадах дамоў, быў добраўпарадкаваны канал.

Каталёг: Kamunikat.org
Пэрыёдыка: Народная Воля
Выдаўцы і выдавецтвы: УК Народная Воля
  • Месца выхаду: Мінск
  • Дата выхаду: 2019-09-03
  • Рэдактар: Сярэдзіч Іосіф
  • Выдавец: УК Народная Воля
  • Copyright: © 2019 by Народная воля
  • Кнігазбор: Kamunikat.org
Камунікат.org – Беларуская Інтэрнэт-Бібліятэка
Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк
Fundacja Kamunikat.org | KRS 0000735360 | NIP 5423316380 | REGON 380450384 ul. Proletariacka 11 |15-449 Białystok| Polska
Правы © 2000-2024 by Kamunikat.org