Падстрэлены

Перад самай ціхай гадзінаю поўная, павольная ў рухах медсястра хірургічнага аддзялення, якая хадзіла па калідоры і заглядала ў палаты, правярала, ці ўсе хворыя на месцах, у адной палаце ўбачыла наведнікаў. Гэта былі маладыя людзі — хлопец з дзяўчынаю; на выгляд так гадоў па дваццаць пяць ці мо нават маладзей. Дзяўчына сядзела на табурэтцы, а хлопец стаяў, паклаўшы далоні на спінку ложка. На іх паверх свае вопраткі былі накінуты халаты. На ложку сядзеў пануры стары чалавек у сіняй піжаме, якая разыходзілася на грудзях і якую ён абцягваў за рагі леваю рукою; правая была ў гіпсе — свежым, беленькім, з-пад якога тырчалі, бы чужыя, жоўтыя пальцы з чорнымі дужкамі пазногцяў. Стары гэты без аніякіх рухаў глядзеў у акно, хоць нічога, акрамя хіба кавалка цаглянае сцяны суседняга корпуса ды шэрага зімовага неба, не мог там бачыць і, здавалася, аніяк не быў рады дзяўчыне з хлопцам. (фрагмент)

• Дата выхаду: 1990
• Катэгорыя: Мастацкая літаратура
• Copyright: © 1990 by Андрэй Федарэнка, © 2020 by Kamunikat.org - ePub
• Кнігазбор: Kamunikat.org
• Дадатковая даведка: Падрыхтаванае на падставе: Андрэй Федарэнка, Гісторыя хваробы: Ановесць, апавяданні — Мінск: Мастацкая літаратура, 1990, Першая кніга празаіка.