be
pdf

Крывінка 14 (258) 2020

інфармацыйна-культурная газета Бешанковіцкага раёна

Беларусь пасля 9-га жніўня — гэта новая Беларусь. Гэта краіна, якая выйшла з пратэстам на вуліцы. Краіна, якой надакучыў дыктат і пагрозы. Краіна, якая выбрала сабе новую сімволіку і новыя песні. Краіна, якая перастала баяцца, а гаворыць услых тое, аб чым раней толькі шапталіся. Многія беларусы ў глыбінцы, якія не маюць крыніц інфармацыі, акрамя БТ, ламаюць галаву: "Ці нармальна гэта ўсё?" Спяшаюся запэўніць: цалкам нармальна. Больш за тое, гэта — старт у Беларусь-мару, Беларусь-казку, Беларусь — нашу будучыню. Галоўнае, што ў нашай новай Беларусі не будзе хлусні. Асабліва з тэлеэкрана. Асабліва ад чынавенства. Асабліва ад прэзідэнта. Такой хлусні, што пакуль што сёння несупыннай плынню ліецца з БТ і чыім носьбітам з'яўляецца бальшыня чыноўнікаў разам з галоўным. Маладыя беларусы, якія не ведаюць тэлевізара як крыніцы інфармацыі, гэтай хлусні не ведаюць. А таму, я ўпэнены, што зменам — быць! Калі ж яны наступяць, тыя змены? Чым хутчэй атачэнне Лукашэнкі зменшыцца да мінімуму, тым хутчэй наступяць і змены. Галоўнае, што працэс сыходу ў галовах людзей запушчаны. Усё больш людзей задумваецца над рэчамі, якія раней не выклікалі ў іх аніякага роздуму. Сёння беларусы аб'ядналіся вакол галоўнаі ідэі: у нашай краіне мусяць быць сумленныя выбары. Якія праводзяцца не пралукашэнкаўскай вертыкаллю, а цалкам незалежныя. Чым хутчэй той, хто хацеў бы кіраваць вечна, зразумее гэта, тым лепш будзе для краіны. Тым хутчэй наступяць тыя змены.

Каталёг: Kamunikat.org
Пэрыёдыка: Крывінка
  • Месца выхаду: в. Старыя Ранчыцы, Бешанковіцкі раён
  • Дата выхаду: 2020-09
  • Рэдактар: Станкевіч Георгій
  • Copyright: © 2020 by Крывінка
  • Кнігазбор: Kamunikat.org
Камунікат.org – Беларуская Інтэрнэт-Бібліятэка
Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк
Fundacja Kamunikat.org | KRS 0000735360 | NIP 5423316380 | REGON 380450384 ul. Proletariacka 11 |15-449 Białystok| Polska
Правы © 2000-2024 by Kamunikat.org