be
pdf

Сьвітанак 11 (265) 2019

Незалежная газета Шуміліншчыны

Вучні Шумілінскай гімназіі стварылі 3D-мадэль старадаўняга замка Хлюдзінскіх ў Лескавічах. Унесці свой уклад у вывучэнне і адраджэнне замкавай спадчыны Беларусі вырашылі навучэнцы Шумілінскай раённай гімназіі Максім Асначоў і Віталь Воранаў пад кіраўніцтвам настаўніка гісторыі Таццяны Дарафеевай. Жаданне цалкам натуральнае, улічваючы, што ў вёсцы Ляскавічы, дзе размешчана гімназія, да нашага часу захаваліся рэшткі замка Хлюдзінскіх. Хлопцы паставілі перад сабой задачу распрацаваць і стварыць 3D-мадэль замка Хлюдзінскіх – апошніх гаспадароў лескавіцкіх зямель. Гімназісты пачалі з вывучэння гістарычных крыніц і даследаванні рэшткаў замка. – На жаль, да нашага часу захаваліся толькі руіны незвычайнага сядзібнага дома, якія знаходзяцца на беразе возера Ляскавічы, – распавядае Максім Асначоў. – Адметная рыса дома – незвычайныя сцены, знешняя частка якіх выканана з каменя з цаглянымі ўстаўкамі. Каменна-цагляныя сцены, незвычайная планіроўка і чатыры кутнія «вежы» рабілі будынак больш падобным на сярэднявечны замак, чым на сядзібны дом пачатку дваццатага стагоддзя. – Захавалася толькі тры «вежы», ды і яны моцна пашкоджаны, а сцены, якія іх звязвалі, адсутнічаюць цалкам, – адзначае Віталь Воранаў. – Лепш за іншых захавалася «вежа», размешчаная бліжэй да возера. Тут нават захаваўся другі паверх. З гэтых вокнаў павінен быў адкрывацца выдатны від на возера. Хлопцы шкадуюць, што ад унікальнага замка амаль нічога не засталося.

Каталёг: Kamunikat.org
Пэрыёдыка: Сьвітанак
  • Месца выхаду: п/а Амбросавічы, Шумілінскі раён
  • Дата выхаду: 2019-07
  • Рэдактар: Шчамлёў Аляксандр
  • Copyright: © 2019 by Сьвітанак
  • Кнігазбор: Kamunikat.org
Камунікат.org – Беларуская Інтэрнэт-Бібліятэка
Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк
Fundacja Kamunikat.org | KRS 0000735360 | NIP 5423316380 | REGON 380450384 ul. Proletariacka 11 |15-449 Białystok| Polska
Правы © 2000-2024 by Kamunikat.org