be
pdf

Сьвітанак 13 (267) 2019

Незалежная газета Шуміліншчыны

«Прасіў не надакучаць з указам прэзідэнта». У чым абвінавачваюць былога старшыню Шумілінскага райвыканкама. Віцебскі абласны суд разглядае крымінальную справу ў дачыненні да 53-гадовага экс-старшыні Шумілінскага райвыканкама Аляксандра Снарава – яго абвінавачваюць па пяці карупцыйных артыкулах. На паседжанні 3 верасня сведкі расказвалі, як чыноўнік незаконна купляў службовы аўтамабіль. Старшынёй Шумілінскага райвыканкама Аляксандр Снараў стаў у снежні 2015 года. На гэтай пасадзе ён знаходзіўся да лістапада 2018 года. Па матэрыялах справы, злоўжыванне ўладай і перавышэнне службовых паўнамоцтваў Аляксандр Снараў дапускаў, з'яўляючыся старшынёй райвыканкама. А ўхіленне ад пагашэння крэдыту, службовы падлог і атрыманне хабару здзейсніў яшчэ на папярэдняй працы, калі быў дырэктарам прадпрыемства «Крынкі» Лёзненскага раёна. На судовым паседжанні 3 верасня выступілі сьведкі, былыя падначаленыя Аляксандра Снарова ў «Крынках». Адна з іх, Ірына Пашкевіч, да верасня 2014 года была там юрысконсультам. Паводле яе слоў, у тым жа, 2014 годзе, галоўны бухгалтар паведаміла ёй, што кіраўнік мае намер купляць новы службовы аўтамабіль. – Але ў гаспадаркі былі запазычанасці – перад ФСАН, па выплаце заработнай платы, за электрычнасць, па падатках. У сувязі з гэтым, паводле ўказу № 119, прадпрыемства не мела права купляць аўтамабіль. Галоўны бухгалтар падрыхтавала пра гэта службовую запіску дырэктару. Тэкст указу і гэтую запіску паклалі ў тэчку, і я аднесла яе Аляксандру Іванавічу.

Каталёг: Kamunikat.org
Пэрыёдыка: Сьвітанак
  • Месца выхаду: п/а Амбросавічы, Шумілінскі раён
  • Дата выхаду: 2019-09
  • Рэдактар: Шчамлёў Аляксандр
  • Copyright: © 2019 by Сьвітанак
  • Кнігазбор: Kamunikat.org
Камунікат.org – Беларуская Інтэрнэт-Бібліятэка
Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк
Fundacja Kamunikat.org | KRS 0000735360 | NIP 5423316380 | REGON 380450384 ul. Proletariacka 11 |15-449 Białystok| Polska
Правы © 2000-2024 by Kamunikat.org