be
pdf

Народная Воля 72 (4427) 2019

Актывістка руху «За Свабоду» Вольга Дамаскіна, якая ў 2016 годзе праз удзел у парламенцкай кампаніі была звольнена з Музея традыцыйнага ручнога ткацтва Паазер’я, ізноў вылучаецца ў кандыдаты ў дэпутаты Палаты прадстаўнікоў. Яна ідзе па Наваполацкай выбарчай акрузе №24. – У першую чаргу я планую скарыстацца ўдзелам у гэтай выбарчай кампаніі дзеля таго, каб голас жанчын у нашым грамадстве нарэшце быў пачуты, – распавяла «Народнай Волі» Вольга Дамаскіна. – Мужчыны прымаюць законы, а нам па ім жыць! І таму мая ініцыятыўная група складаецца з жанчын. Многія ў Наваполацку ўпэўнены, што перамога павінна быць за мной. Я, канешне, больш крытычна стаўлюся да гэтай кампаніі. І ўжо ведаю, хто будзе маім галоўным канкурэнтам – гэта дзеючы дэпутат Палаты прадстаўнікоў, які, між іншым, на мясцовым тэлебачанні ўжо фактычна распачаў актыўную агітацыйную кампанію, ён расказвае пра свае сустрэчы з выбаршчыкамі. Думаю, менавіта на яго робяць стаўк ўлады. Шмат для каго ўсе выбары праходзяць незаўважна. Нас прывучылі да таго, што начальства і ўлада лепш ведаюць, як нам жыць, на што жыць і што нам трэба. Сёння вельмі складана данесці да тых, хто прымае рашэнні, сваё бачанне вырашэння праблем. Дэмакратычным арганізацыям няма доступу да тэлебачання, і людзі мала ведаюць пра іх. А ўсе вулічныя мерапрыемствы цяпер каштуюць вялікіх грошай. Нават збор подпісаў пад петыцыяй можа скончыцца штрафам. А для некаторых жыхароў Наваполацка подпіс пад калектыўным зваротам аб набярэжнай выклікаў пагрозы з боку супрацоўнікаў выканкама.

Каталёг: Kamunikat.org
Пэрыёдыка: Народная Воля
Выдаўцы і выдавецтвы: УК Народная Воля
  • Месца выхаду: Мінск
  • Дата выхаду: 2019-09-13
  • Рэдактар: Сярэдзіч Іосіф
  • Выдавец: УК Народная Воля
  • Copyright: © 2019 by Народная воля
  • Кнігазбор: Kamunikat.org
Камунікат.org – Беларуская Інтэрнэт-Бібліятэка
Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк
Fundacja Kamunikat.org | KRS 0000735360 | NIP 5423316380 | REGON 380450384 ul. Proletariacka 11 |15-449 Białystok| Polska
Правы © 2000-2024 by Kamunikat.org