be
pdf

Народная Воля 23-24

Падобна на тое, што Беларусь усё ж будзе мець свайго Нобелеўскага лаўрэата. І стане ім, магчыма, праваабаронца Алесь БЯЛЯЦКІ. Мала таго, што ўсе добра разумеюць, на якія мэты траціліся грошы з рахункаў кіраўніка праваабарончай структуры, дык у еўрапейцаў выклікае абурэнне яшчэ і тое, што спадар Бяляцкі поўнасцю разлічыўся з падаткамі, а яго па-ранейшаму не выпускаюць з турмы. Атрымліваецца, чалавека трымаюць за кратамі ўжо не як парушальніка закона, а як барацьбіта за правы чалавека. Чаму не ўганараваць яго Нобелеўскай прэміяй! Вось і прэм’ер-міністр Славакіі Івета Радзічава выступіла з такой прапановай. У лісце, накіраваным у Нобелеўскі камітэт, яна адзначыла сумленнасць і смеласць беларускага праваабаронцы. “Ён вярнуўся на радзіму, нягледзячы на тое што ведаў пра пагрозу выстаўлення абвінавачанняў”, — сказала І.Радзічава. Нагадаем, што ў студзені на Нобелеўскую прэмію міру Бяляцкага вылучалі дэпутаты польскага Сейма і група дэпутатаў украінскага парламента. Да агульнай кампаніі далучылася і Шырын Эбадзі — іранскі адвакат, што атрымала Нобелеўскую ўзнагароду ў 2003 годзе.

Каталёг: Kamunikat.org
Пэрыёдыка: Народная Воля
Выдаўцы і выдавецтвы: УК Народная Воля
  • Месца выхаду: Мінск
  • Дата выхаду: 2012-02-13
  • Рэдактар: Сярэдзіч Іосіф
  • Выдавец: УК Народная Воля
  • Copyright: © 2012 by Народная Воля
  • Кнігазбор: Kamunikat.org
Камунікат.org – Беларуская Інтэрнэт-Бібліятэка
Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк
Fundacja Kamunikat.org | KRS 0000735360 | NIP 5423316380 | REGON 380450384 ul. Proletariacka 11 |15-449 Białystok| Polska
Правы © 2000-2024 by Kamunikat.org