be
html

CD, Студэнцкая Думка 04/2003

Red list...: Загінайце пальцы, чувакі Шалёна масірую далонямі сківіцы, якія дзіка сьвярбяць. Арганізм ужо на фізычным узроўні пачынае рэагаваць на чарговае ашуканства. Яшчэ хвіліна - і далонь, складзеная ў папулярны ў гэтым краі аргумэнт - кулак, - разаб'е роўнядзь кінэскопа Thompson. Пытаньне "хто наступны" ўжо неактуальнае: рыхтуйцеся загінаць пальцы і падлічваць ахвяраў!.. Можа, я і не хацеў так рабіць. Яно неяк само. Першым мае дэструктыўныя памкненьні дапамог рэалізаваць FM-прымач: порцыя ЗПР-песень у рэтрансьляцыі "Хит" - ня самы лепшы пачатак раніцы. Прытым, вы ж ведаеце: чалавечая сьвядомасьць пасьля сну такая неадэкватная! У выніку - нэрвовае ўзрушэньне ў ката, да якога даляцела шмацьцё корпусу старэнькага прымача Sony, і лекцыі маці па тэме "Зарабляць пачні, а пасьля выкідай радыё!" Затое з хаты зьніклі затарможаная "Авария", тупарылыя "Гости" і старпёрныя Modern Talking… Лярва з тэлекаўскай рэклямы ніяк ня спыніцца - зноў нешта тлумачыць з нахабнай усьмешкай. Ды так натхнёна, так самазабыўна, што маці ледзь пасьпявае папярэдзіць кантакт кулака зь кінэскопам. Я не прэтэндую на новыя "99 франкаў", але таксама спрабую зразумець, чаму так залежу ад "соевага" шоў-бізу. Спрабую хаця б таму, што праймае пякотка ад ТБ-, радыё-, кіна-ідыятызму. Ці думаў калі Ўсявышні, што адзін зь Ягоных запаветаў загучыць пытаньнем: "Не стварыў сабе куміра? Адну хвілінку!.." Блін, загінайце пальцы, чувакі...

Каталёг: Kamunikat.org
Пэрыёдыка: CD, Студэнцкая Думка
  • Месца выхаду: Менск
  • Дата выхаду: 2003-04
  • Copyright: © 2003 by Студэнцкая Думка
  • Кнігазбор: Kamunikat.org
  • Дадатковая даведка: Выданьне публікуецца тут за ласкавай згодай Рэдакцыі
Камунікат.org – Беларуская Інтэрнэт-Бібліятэка
Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк
Fundacja Kamunikat.org | KRS 0000735360 | NIP 5423316380 | REGON 380450384 ul. Proletariacka 11 |15-449 Białystok| Polska
Правы © 2000-2024 by Kamunikat.org