be
pdf

Народная Воля 204-205

Выбары ў Беларусі прайшлі — што далей? Што чакае беларускую грамадскую супольнасць і палітычныя партыі? Ці зменяцца беларускія стасункі з Еўропай і Расіяй? Аб гэтым карэспандэнт "Народнай Волі" гутарыць з адным з каардынатараў грамадзянскай кампаніі "Праваабаронцы за свабодныя выбары" Алесем БЯЛЯЦКІМ. — Думаю, мы яшчэ працяглы час будзем асэнсоўваць тое, што адбылося, — кажа суразмоўца. — Бо фактычна парушыўся стан адноснай раўнавагі паміж уладамі і грамадзянскай супольнасцю, які існаваў апошнія год-два. Апісваючы сітуацыю, якая існавала ў краіне да 19 снежня, праваабаронцы заўсёды адзначалі, што знізіўся ўзровень рэпрэсій, але ў той жа час не было ніякіх структурных перамен. Існавала незадавальненне з абодвух бакоў. Мы чакалі наступных крокаў па шляху дэмакратызацыі ў краіне, а ўлады лічылі, што яны вельмі далёка зайшлі па гэтым шляху. Зацішша абрынулася раптам. Падзеі 19 снежня сталі апошняй кропляй "разгулу дэмакратыі", якая перапоўніла цярпенне аўтарытарных улад. Сітуацыя змянілася кардынальным чынам і, як мне падаецца, у такой сітуацыі мы не знаходзіліся хіба што з 1996 года. Тады быў крызіс улады, была пераніцавана Канстытуцыя, урэшце ўся ўлада сканцэнтравалася ў адных руках. Адбылася змена ўзаемаадносін паміж уладамі і грамадзянскай супольнасцю, Беларуссю і краінамі-суседзямі. Улады чакалі доўгія гады міжнароднага непрызнання, а дэмакратычныя сілы чакалі доўгія гады зацятага супраціву.

Каталёг: Kamunikat.org
Пэрыёдыка: Народная Воля
Выдаўцы і выдавецтвы: УК Народная Воля
  • Месца выхаду: Мінск
  • Дата выхаду: 2010-12-28
  • Рэдактар: Сярэдзіч Іосіф
  • Выдавец: УК Народная Воля
  • Copyright: © 2010 by Народная Воля
  • Кнігазбор: Kamunikat.org
Камунікат.org – Беларуская Інтэрнэт-Бібліятэка
Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк
Fundacja Kamunikat.org | KRS 0000735360 | NIP 5423316380 | REGON 380450384 ul. Proletariacka 11 |15-449 Białystok| Polska
Правы © 2000-2024 by Kamunikat.org