be
pdf

Ведамасьці 05

Гарадская газета Гродна

Змены на мяжы Увозіць гарэлкі ў Беларусь цяпер можна болей, а асабістых рэчаў – меней. З 22 снежня змяніліся нормы бяспошліннага ўвозу тавараў для асабістага карыстання. Цяпер дазваляецца ўвозіць да двух літраў алкагольных напояў (напой лічыцца алкагольным, калі масавая доля этылавага спірту ў ім складае 7% і больш). Піва ў гэтыя два літры не ўваходзіць, але толькі пры ўмове, калі доля этылавага спірту ў ім складае менш за 7%. Раней норма ўвозу алкаголю ў Беларусь складала адзін літр. Фізічная асоба цяпер мае права бяспошлінна ўвозіць на тэрыторыю Беларусі 35 кг тавараў для асабістага карыстанне (раней можна было 50 кг). У межах гэтай нормы можна ўвозіць таксама пыласосы ды мэблю. Крыху спакою могуць мець цяпер тыя, хто накіроўваецца на адпачынак. З пераліку тавараў, якія абкладаюцца мытнымі пошлінамі пры ўвозе, выключаная відэаапаратура. Адмененыя колькасныя абмежаванні на ўвоз прадметаў вопраткі з натуральнай скуры і футра. Бяспошлінна можна ўвозіць і ювелірныя вырабы ў колькасці да 5 адзінак. Паводле ўказа “Аб ільготным перамяшчэнні праз мытную мяжу тавараў для асабістага карыстання”, таксама ўсталёўваюцца абмежаванні па ўвозе аўтамабіляў для асобаў, якія не з’яўляюцца ўласнікамі транспартнага сродку і не рэгіструюць гэты від прадпрымальніцкай дзейнасці. Увоз такімі асобамі аўтамабіляў два і больш разоў на працягу каляндарнага году будзе разглядацца як прадпрымальніцкая дзейнасць.

Каталёг: Kamunikat.org
Пэрыёдыка: Ведамасьці
Выдаўцы і выдавецтвы: Гарадзенскі Рух «За Свабоду»
  • Месца выхаду: Гродна
  • Дата выхаду: 2007-12-26
  • Рэдактар: Тызенгаўз Антоні
  • Выдавец: Гарадзенскі Рух «За Свабоду»
  • Кнігазбор: Kamunikat.org
  • Дадатковая даведка: Гарадзенская гарадская газета “Ведамасці” выдаецца з траўня 2007 года. Заснавальнікам газеты з’яўляецца гарадзенскі Рух “За Свабоду”. Газета сталася пераемніцай “Гарадзенскай Свабоды”, два нумары якой пабачылі свет у траўні 2007 года. “Ведамасці” выдаюцца інтэлектуальнымі і творчымі сіламі Гарадзенскага Руху “За Свабоду”, гарадзенскай арганізацыі ГА “Беларуская асацыяцыя журналістаў”, а таксама здольнай актыўнай моладзі; Газета выдаецца самвыдатам у фармаце А3, мае электронную і друкаваную версіі; Галоўны рэдактар гарадзенскіх “Ведамасцяў” Антоні Тызенгаўз; Kантакт з рэдакцыяй – zasvabodu.hrodna@gmail.com Выданьне публікуецца тут за ласкавай згодай Рэдакцыі
Камунікат.org – Беларуская Інтэрнэт-Бібліятэка
Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк
Fundacja Kamunikat.org | KRS 0000735360 | NIP 5423316380 | REGON 380450384 ul. Proletariacka 11 |15-449 Białystok| Polska
Правы © 2000-2024 by Kamunikat.org