be

Культурныя дзеячы Беларусі

Варэца Ляіля, Варэца Валянцін

Валянцін і Ляіля Варэцы сваімі калярытнымі літаграфіямі выдатных постацяў Беларусі асьвятлілі найбольш сутнасны элемент мінуўшчыны народу — ягоны чалавечы фактар, людзей таленту і дасягненьняў. Вялікі беларускі паэт Янка Купала (1882 — 1942) пісаў у адным са сваіх дарэвалюцыйных вершаў, які сьпяваўся, быў пэўны час як народны гімн: "Не загіне край забраны, покуль будуць людзі". Цяпер у посткамуністычным часе, стагодзьдзі беларускае мінуўшчыны "засяляюцца" ізноў людзьмі пасьля дзесяцігодзьдзяў, на працягу якіх іхнія імёны былі занядбаныя, а ўчынкі апаганенныя. У гэты працэс аднаўленьня спадчыны свой каштоўны ўклад прыносяць разам з гісторыкамі і мастакі. Сярод гэтых апошніх асабліва вылучаюцца імёны Валянціна і Ляілі Варэцаў, мужа і жонкі. Іхняя сэрыя літаграфіяў "Выдатныя асобы Беларусі" сталася багатым пантэонам постацяў, якія прынесьлі свайму народу славу ды забясьпечылі яму здольнасьць выжыць у вяках, а цяпер служаць прыкладам для насьлядоўваньня. Галерэя створаных Варэцамі партрэтаў людзей, грунтоўна вывучаных і дэталізаваных — гэта натхнёнае насьвятленьне мінуўшчыны, якое красамоўна прамаўляе да сучасьнікаў Увасабленьне абстрактных і адлеглых у часе імёнаў, кожнага ў багатым кантэксьце, дапамагае нам усьведаміць значэньне гістарычнае веды ў ходзе бягучых падзеяў і дае стымул для ўчынкаў у абліччы новых выпрабаваньняў.

Беларускія аўтары:
Выдаўцы і выдавецтвы: Інсолік
  • Месца выхаду: Мінск
  • Дата выхаду: 1995
  • Выдавец: Інсолік
  • Катэгорыя: Гісторыя, Культура
  • Copyright: © 1995 by Інсолік
  • Кнігазбор:
    • прыватны кнігазбор у Беластоку (папяровы асобнік)
Камунікат.org – Беларуская Інтэрнэт-Бібліятэка
Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк
Fundacja Kamunikat.org | KRS 0000735360 | NIP 5423316380 | REGON 380450384 ul. Proletariacka 11 |15-449 Białystok| Polska
Правы © 2000-2024 by Kamunikat.org