be
pdf

Крывінка 7 (271) 2021

інфармацыйна-культурная газета Бешанковіцкага раёна

Шлюз на Крывінцы ў Старых Ранчыцах адстаяў зачыненым усю зіму. Яго не паламала ледаходам, ён не пацярпеў ад паводкі. Але напачатку траўня сюды завіталі работнікі Бачэйкаўскай ПМС, якія абслугоўваюць шлюз. Вялізны кран выдраў затвор шлюза з плаціны і пагрузіў на грузавік. Работнікі сабралі рыбу, якая заблыталася ў траве, і адбылі разам са шлюзам у невядомым кірунку. З пачаткам спякотных дней на шлюз у Старых Ранчыцах пачалі заязджаць тыя, хто ведаў, як файна можна было адпачыць тут раней. Але іх чакала глыбокае разачараванне: вады ў Крывінцы вераб'ю па калена. Пра тое, каб тут нырцануць, як гэта было раней, можна толькі марыць. Наогул у Бешанковіцкім раёне абсталявана толькі адно месца для купання – сажалкі блізу раённай бальніцы. Зразумела, што сюды не паедзе чалавек не толькі з Астроўна ці Паўазер’я, але і з найбліжэйшых вёсак, якія стаяць на рэчках. Мясцовы люд ходзіць купацца там, дзе жыве. І лагічна было б абсталяваць месцы для купання каля кожнага вадаёма. Вось такая задача павінна быць пастаўленай перад старшынямі сельскіх саветаў напярэдадні лета. Несумненна, што колькасць загінулых на вадзе пры такім падыходзе знізілася б у разы. Даведка. Толькі за адзін трэці тыдзень чэрвеня ў Беларусі патанула 40 чалавек.

Каталёг: Kamunikat.org
Пэрыёдыка: Крывінка
  • Месца выхаду: в. Старыя Ранчыцы, Бешанковіцкі раён
  • Дата выхаду: 2021-06
  • Copyright: © 2021 by Крывінка
  • Кнігазбор: Kamunikat.org
Камунікат.org – Беларуская Інтэрнэт-Бібліятэка
Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк
Fundacja Kamunikat.org | KRS 0000735360 | NIP 5423316380 | REGON 380450384 ul. Proletariacka 11 |15-449 Białystok| Polska
Правы © 2000-2024 by Kamunikat.org