Санеты Арфею
Рыльке Райнэр Марыя
Заўвагі аўтара
Да першай часткі
Х с а н е т. У другой страфе маюцца на ўвазе дамавіны на славутым старажытным могільніку Аліскамп непадалёк ад Арля, пра які ідзе гаворка і ва “Успамінах Мальтэ Лаўрыдса Брыгк”.
ХVI с а н е т. Гэты санет адрасаваны сабаку. У словах “я б узяў за руку майго пана” вызначана стаўленне да Арфея, які тут з’яўляецца панам паэта. Паэт хоча ўзяць пана за руку, каб ён дабраславіў і сабаку за яго бясконцую адданасць і спагаду, сабаку, які, падобна Ісаву, толькі накінуў на сябе скуру, каб у сваім сэрцы хаваць надзею на спадчыну, якая не належыць яму, -- удзельнічаць у горы і шчасці ўсяго чалавецтва.
ХХІ с а н е т. Маленькая вясновая песня здаецца мне адначасова “інтэрпрэтацыяй” дзівоснай танцавальнай музыкі, якую я аднойчы чуў, калі яе спявалі пад чс ютрані манастырскія дзеці ў маленькім жыночым кляштары ў Ронда (Паўднёвая Іспанія). Дзеці ўвесь час у такт музыцы спявалі невядомы мне тэкст пад звон трохкутнікаў (трыанглаў) і тамбурына.
ХХV с а н е т. Да Веры.
Да другое часткі
IV с а н е т. Аднарог мае прадаўняе, асвечанае ў сярэднявеччы значэнне, звязанае з зявоцкасцю: сцвярджалі, што ён не існуе аж да хвіліны, пакуль не адаб’ецца ў чарадзейным “срэбным люстры”, якое трымае перад ім дзяўчына (гл. габелены ХУІ стагоддзя), адлюстроўваючыся ў ім, як у другім, таксама чыстым, таксама таямнічым люсnры.
VI с а н е т. Антычная ружа была простага гатунку -- “эгланціна”, чырвоная і жоўтая, колераў, якія бываюць у полымя. Яна цвіце ў Вале ў некаторых садах.
VIII с а н е т. Ягня (чацвёрты радок) -- з карцінак да казак, дзе яно гаворыць толькі прымаўкамі.
ХІ с а н е т. Спасылка на спосаб, якім, паводле даўняга звычаю паляўнічых, у некаторых мясцінах Краса (Карста) палююць на незвычайных белых галубоў, прадбачліва вывешваючы на пячорах (дзе жывуць галубы) палотны, якія нечакана ўстрасаюць і спуджваюць птушак. Калі яны вылятаюць з падземных прытулкаў, іх забіваюць.
ХХІІІ с а н е т. Да чытачоў.
ХХV с а н е т. Рэч, суаднесеная з вясновай песенькай з першай часткі санетаў (санет ХХІ).
ХХVІІІ с а н е т. Да Веры.
ХХІХ с а н е т. Да сябра Веры.
1922 -- 1923 Р. М. Р.