- Kamunikat.org
- Бібліятэка
- Кнігазборы
- Калекцыі
- Іншае
Нагадаем, што Іван Бядко ў сваёй заяўцы прасіў выканаўчую ўладу дазволіць правесці пікеты ва ўстаноўленым выканкамам месцы і абавязваўся захоўваць парадак падчас правядзення мерапрыемства. На гэта атрымаў адмову са спасылкай на невыкананне патрабаванняў пункта 5 артыкула “Закона аб масавых мерапрыемствах”. У судзе прадстаўнік выканкама патлумачыў, што заяўляльнік павінен быў указаць канкрэтнае месца правядзення мерапрыемства і канкрэтныя захады па падтрымцы парадку і правапарадку падчас яго правядзення. Гэтага, на думку адказчыка, зроблена не было, таму райвыканкам не задаволіў заяўку на правядзенне пікетаў. Таксама прадстаўнік выканкама ў сваім выступленні падчас дэбатаў звярнуў увагу прысутных на тое, што суд не можа абавязаць выканкам даць дазвол Івану Бядко правесці пікет, як ён таго просіць, бо такім чынам будзе парушаны прынцып падзелу ўладаў, гарантаваны Канстытуцыяй і шэрагам заканадаўчых актаў.