Кухня TV

Кухня як месца для сустрэч прыхільнікаў і аднадумцаў.

Кухня як пляцоўка для шчырых і набалелых размоваў.

Кухня як спосаб выпрацоўкі рэцэптаў сумесных дзеянняў у сучасных умовах.

Такім чынам, "Кухня TV" - гэта своеасаблівыя "круглыя сталы" з удзелам беларускіх праваабаронцаў, прадстаўнікоў дэмакратычнай супольнасці, абмеркаванне найбольш актуальных і наспелых ў грамадстве пытанняў.

Адзін з ініцыятараў і ўдзельнікаў відэапраекта "Кухня TV" намеснік старшыні ПЦ "Вясна" Валянцін Стэфановіч адзначае:

"Кухня яшчэ з савецкіх часоў з'яўляецца сімвалам нонканфармізму і ўнутранай эміграцыі. Але мы не эмігранты, мы не староннія і абыякавыя назіральнікі таго, што адбываецца ў нашай краіне, па меры магчымасцяў мы спрабуем уплываць на беларускае грамадства, актыўна супрацоўнічаем з міжнароднымі арганізацыямі, заклікалі і заклікаем беларускія ўлады кіравацца міжнароднымі абавязацельствамі, якія яны ўзялі на сябе ў галіне правоў чалавека".