Жыхар Івацэвічаў змагаецца за чыстую ваду

Жыхар Івацэвічаў змагаецца за чыстую ваду


Аператар водазабору на Шыбельнай гары ў Івацэвічах Станіслаў Халадовіч ужо некалькі гадоў змагаецца за чыстую ваду, што падаецца людзям, а таксама за цану, якая ўвесь час расце.

Ён падыходзіць да праблемы прафесійна, ведае, што ёмкасці для вады не чысцяцца з моманту запуску станцыі, то-бок з 2006 года, а патрэбна, каб чысціліся штогод.

З праблемамі водазабору звярнуўся да свайго кіраўніцтва, замест падзякі – не працягненне кантракту з 31-га сакавіка, кажа Станіслаў Халадовіч:

– Пачынаючы з 2013 года я іх усё „душыў”. Я за гэтыя паўгады палічыў прыходы, расходы, электраэнергію. Думаў паразмаўляю, дзе мы можам знайсці і дзе мы губляем, але я так зразумеў, што я там непатрэбны.

Паводле Халадовіча, санэпідстанцыя пацвердзіла ўсе парушэнні, якія ён выклаў у скарзе пракурору раёна. Але тут жа запэўніла, што вада адпавядае санітарным нормам, а чысціць ёмістасць няма тэхнічнай мажлівасці: – А хто стварыў гэтыя тэхнічныя немагчымасці, гэта ж кіраўніцтва стварыла. У першай ёмістасці тэхнічны люк ёсць, а ў другой і трэцяй не паставілі.

Станіслаў Халадовіч лічыць, што галавацяпства кіраўніцтва можна выправіць. Пераставіць тэхнічныя люкі са старых ёмкасцяў. Але падобна нікаго праблема чыстай вады не турбуе. Па словах экс-кандыдата ў дэпутаты Палаты Прадстаўнікоў па Івацэвіцкай акрузе Валянціна Лазарэнкава, які падключыўся да вырашэння гэтай праблемы, яны з Халадовічам не адступяцца ад гэтай праблемы. Бо яна характэрна не толькі для Івацэвічаў.

Беларускае Радыё Рацыя

Крыніца: Беларускае Радыё Рацыя