Абвешчаны пераможцы прэміі імя Міхала Анемпадыстава

2025-10-26 10:15

25 кастрычніка ў Бельску Падляшскім у Польшчы падчас фестывалю «Бардаўская восень» прайшла цырымонія ўзнагароджання прэміяй Міхала Анемпадыстава за найлепшую вокладку кнігі, выдадзенай у 2024 годзе.

Пераможцамі сталі Ігар Юхневіч і Маша Мароз за вокладку кнігі «Мое баба — діректор морга» Голі з Ополя (самвыд, 2024).

Вокладка ўзнагароджана «за выкшталцоны дызайн кнігі як арт-аб’екта, за паважлівае хуліганства, за вокладку, што не саромеецца быць адметнай».

Прэмія імя Міхала Анемпадыстава ўшаноўвае спадчыну выбітнага беларускага мастака, дызайнера і культуролага, які значна паўплываў на развіццё візуальнай культуры Беларусі. Заснаваная ў 2019 годзе, яна адзначае найлепшыя дызайнерскія рашэнні ў афармленні кніжных вокладак.

Арганізатары прэміі — Беларускі ПЭН і фонд «Open Culture» пры падтрымцы партнёраў: ТАА «H&L», кампаніі «Laut» і фестывалю «Бардаўская восень».

За апошнія гады прэмія адзначыла цэлы шэраг таленавітых дызайнераў і выданняў, якія фармуюць твар сучаснай беларускай кнігі.

Сябра журы прэміі Анемпадыстава Анатоль Лазар расказаў у відэа-інтэрв’ю пра асаблівасці сёлетнега прэміяльнага сезона.

Відэа Беларускі ПЭН

Крыніца: REFORMATION

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк