Адзін дзень палітвязьня

— Пра што кніга «Адзін дзень палітвязьня»? — Пра свабоду і яе герояў ці ахвяраў, каму як. — Як яны самі зваліся? — Людзьмі. — За што іх пазбавілі волі? — За праўду. — Чаму іх пазбавілі волі? — Каб запалохаць астатніх. — Чаму былі пазбаўленыя менавіта яны? — Бо не баяліся. — Колькі іх? — У кнізе — 41. Былі за кратамі — тысячы. — Як доўга? — Героі кнігі разам амаль 20 000 дзён і начэй, больш за 53 гады. За кожны год незалежнасьці краіны — тры гады турмы. Як на вайне. — Што яны страцілі? — Свабоду быць з блізкімі, рабіць сваю справу, падарожнічаць, спрачацца, гараваць, сьвяткаваць — жыць як хацелі б. — Чаго яны дамагліся? — Нянавісьці ворагаў. Пагарды ўлады. Абыякавасьці бальшыні суайчыньнікаў... — І гэта ўсё? — Яшчэ — павагі паплечнікаў, захапленьня сяброў, веры моладзі. Міжнароднай увагі, салідарнасьці і дапамогі. Імяннога радка ў гісторыі краіны. — І ўсё ж — ці варта было? ...А гэтае пытаньне ўжо не да іх. Аляксандар Лукашук Радыё Свабода

• Месца выхаду: Прага
• Дата выхаду: 2009
• Рэдактар: Гарэлік Кацярына
• Выдавец: Радыё Свабодная Эўропа/Радыё Свабода
• Памеры: 364с., іл., 21 см
• ISBN: 978-0-929849-27-0
• Катэгорыя: Гісторыя, Мастацкая літаратура, Правы чалавека, Грамадзтва, Мэмуары
• Copyright: © 2009 by Радыё Свабодная Эўропа/Радыё Свабода
• Кнігазбор: Kamunikat.org, Каталёг БГТ
• Інвэнтарныя нумары: BTH — 2196
• Дадатковая даведка: У кнізе выкарыстаныя фатаздымкі парталу BYMEDIA.NET, Уладзімера Базана, Уладзімера Грыдзіна, Юрыя Дзядзінкіна, карэспандэнтаў Радыё Свабода.