Алесь Анціпенка: Дзяржаўныя медыі працуюць на карысць аднаго кандыдата

Дзяржаўныя медыяпасылы ўпэўніваюць: „Непераабранне Лукашэнкі будзе азначаць хаос і падзел краіны”. Маніторынг асвятлення выбараў у беларускіх СМІ зладзіла Беларуская асацыяцыя журналістаў.

Медыяпасланні рэжыму перад выбарамі агучыў аналітык Алесь Анціпенка:

– Фатальная прысутнасць аднаго кандыдата і фактычная адсутнасць усіх астатніх канкурэнтаў. Падчас гэтага перыяду маніторынгу, і папярэдняга, у дзяржаўных медыях трымаўся дастаткова высокі ўзровень напружанасці і застрашвання выбаршчыкаў. Гэта было бачна і падчас візіту Аляксандра Лукашэнкі, і сустрэч з вайскоўцамі, з рознымі службовымі асобамі сілавых структур. Мэсыдж дзяржаўных медыяў быў адзін і відавочны – альтэрнатывы дзеючаму прэзідэнту няма.

Беларуская асацыяцыя журналістаў плануе працягнуць маніторынг і даць канчатковую ацэнку характару асвятлення кампаніі пасля выбараў.

Беларускае Радыё Рацыя