Чалавек эпіцэнтра: сустрэча з нобелеўскім лаўрэатам Алесем Бяляцкім у Варшаве

Мерапрыемства арганізуюць Studium Europy Wschodniej, Беларускі ПЭН і Праваабарончы цэнтр «Вясна». Сустрэча пройдзе ў самым сэрцы польскай сталіцы — у гістарычным корпусе Варшаўскага ўніверсітэта.

Алесь Бяляцкі — чалавек, які прысвяціў жыццё абароне палітвязняў і прасоўванню дэмакратычных каштоўнасцяў. За сваю дзейнасць ён двойчы станавіўся вязнем сумлення, правёўшы за кратамі ў агульнай колькасці больш за сем з паловай гадоў. У 2022 годзе, знаходзячыся ў зняволенні, ён быў уганараваны Нобелеўскай прэміяй міру.

Удзельнікі сустрэчы змогуць не толькі паслухаць лаўрэата, але і задаць яму свае пытанні. Таксама на мерапрыемстве будзе магчымасць набыць кнігі аўтара і атрымаць аўтограф.

Важна адзначыць, што з-за патрабаванняў бяспекі арганізатары ўвялі строгія правілы наведвання.

На сустрэчу патрэбна абавязковая рэгістрацыя (дэдлайн — 17 красавіка).

Пры сабе трэба мець пасведчанне асобы з фотаздымкам.

Для медыяў неабходная акрэдытацыя, для гэтага прадстаўнікам медыя неабходна рэгістравацца ў тым самым спісе, пазначыўшы ў полі «арганізацыя» назву рэдакцыі.

Час і месца падзеі: 20 красавіка 2026, 17:30 (уваход з 17:00). Варшаўскі ўніверсітэт, «Stary BUW» (Krakowskie Przedmieście 26/28). Уваход праз галоўную браму.