Алесь Смалянчук рыхтуе да друку кнігу «Краёўцы і Беларусь»

2025-08-31 16:36

Гісторык Алесь Смалянчук падрыхтаваў да выдання працу, прысвечаную краёвай ідэі і беларусам у ёй. Як вядома, краёўцы напачатку ХХ ст. адстойвалі самастойнасць земляў былога Вялікага Княства Літоўскага з павагай да правоў усіх карэнных жыхароў Краю.

Наколькі актуальная гэтая ідэя ў наш час, разважае прафесар Алесь Смалянчук:

— Тое што прапаноўвалі краёўцы: міжканфесійная і міжнацыянальная талеранцыя, гэта ўзяемападтрымка, гэта кантакты розных нацыянальных групаў. Гэта ўсё належыць да безальтэрнатыўных каштоўнасцяў сучаснай цывілізацыі. Гэта будзе заўсёды жыць і існаваць, асабліва ў сучасным свеце, калі ідзе гэтая крывавая вайна ва Украіне, калі сёння павялічваюць выдаткі на абарону Літва, Польшча і ўсе суседзі, Беларусь у тым ліку. Мы ведаем палітычную сітуацыю ў Еўропе, дзе ўсё часцей рэй вядуць правыя кансерватыўныя сілы. Тэма даволі актуальная сёння, нечакана нават.

Асобныя раздзелы ў даследаванні распавядаюць пра шлях да Беларусі краёўца Рамана Скірмунта і пра беларуса сярод краёўцаў Антона Луцкевіча. Як разлічвае аўтар, кніга пад загалоўкам «Краёўцы і Беларусь» будзе выдадзеная сёлета па-беларуску й па-польску.

Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк