Апытанне: Якая яна – ідэнтычнасць беларусаў Падляшша?

У Беластоцкім універсітэце адбылася дыскусійная панэль «Ідэнтычнасць беларусаў Падляшша», дзе ўдзельнічалі беларусы – выбітныя дзеячы навукі і культуры рэгіёну.

Наша карэспандэнтка Вольга Смашка пацікаваліся ў спікераў і гасцей вечара, што азначае для іх беларуская ідэнтычнасць ва ўмовах Падляшша.

Міша Грэсь:

–  Калі хтосьці адчувае сябе беларусам, то што тут можна памяняць? Раней можна было ў Беластоку вызначыць, хто прыехаў з Беларусі, а зараз беларусы апранаюцца ў польскіх крамах, таму цяжка на вуліцы адрозніць.

Аніта Прымака-Оніш:

– Ідэнтычнасць – гэта такі працэс, калі разумееш, хто я, адкуль я і куды я іду.

Гісторык Алег Латышонак:

– Гэта з’ява, якая ўжо адышла ў мінулае, яна была вельмі моцная ў 80-90 гады на ўзроўні этнічным, па-свойму казалі, усе праваслаўныя. Яшчэ традыцыі вясковыя, што зараз не існуе.

Культурны менеджар Павел Станкевіч:

– Вельмі важная канфесія беларусаў Падляшша, таму што, мне падаецца, амаль усе беларусы Падляшша – гэта праваслаўныя людзі. Гэта мова бабулі, дзядулі, іх чулі, і таму мы разумеем, што мы іншыя, чым большасць, якая тут ёсць вакол нас.

Удзельнікі дыскусійнай панэлі «Ідэнтычнасць беларусаў Падляшша» закранулі праблемы вывучэння беларускай мовы і самой беларускай адукацыі на Падляшшы. Таксама прагучала меркаванне аб неабходнасці падтрымкі афіцыйнай Беларуссю свайго народу па-за межамі краіны.

Беларускае Радыё Рацыя