Арт-кніга беларускай мастачкі пра Палессе з тэкстам Бабкова

2024-12-19 20:38

Выходзіць арт-кніга “Доўгая дарога дамоў” (Le long chemin du retours). У цэнтры выдання — праект беларускай мастачкі Машы Мроз пра Палессе, над якім яна працавала напрацягу дзесяці гадоў.

Маша Мароз напрацягу дзесяці гадоў фатаграфавала і даследавала беларускае Палессе, піша Reform. Вынік гэтай працы аформіўся ў трохмоўную арт-кнігу “Доўгая дарога дамоў” (Le long chemin du retours. Long way home).

Унікальны фотаархіў, які мастачка збірала ў ходзе экспедыцый у рэгіён, падаецца ў сучаным фармаце: візуальныя матэрыялы ў выданні суправаджаюцца філасофскімі, паэтычнымі і гістарычнымі тэкстамі на беларускай, французскай і ангельскай мовах.

Тэкставая частка кнігі належыць куратарцы Ганне Карпенцы, філософу і пісьменніку Ігару Бабкову і гісторыку Валеру Марозу.

“У неймавернай кампаніі […] мы выявілі, сабралі і перанітавалі сэнсы, якія, як нам хочацца верыць, хоць і на імгненне, але здольныя асвятліць шлях у часы густога змроку”, — коратка прэзентавала сваю працу ў інстраграме Маша Мароз.

Выпуск арт-кнігі здзейснены дзякуючы французскай арт-ініцыятыве Les-steppes.

Першая прэзентацыя прайшла 18 снежня ў 19.00 у Парыжы (Bistrot 61, Rue de l’Oise 3, 76019).

А 20 снежня ў 19.00 у Варшаве адбудзецца другая сустрэча з нагоды выхаду кнігі (Fundacja Kraina, Pulawska 67, Mokotow).

Падчас прэзнтацый кнігу можна набываць.

Крыніца: Міжнародны саюз беларускіх пісьменнікаў

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк