Барыс Гарэцкі: Аксана Колб – гэта выдатны прафесіянал

2022-05-31 15:09

:/:

Журналістаў судзяць. Беларуская асацыяцыя журналістаў паведамляе, што ў чэрвені пройдзе пяць крымінальных працэсаў над журналістамі.

Сярод іх – рэдактарка газеты „Новы час” Аксана Колб, якую затрымалі раніцай 20 красавіка 2022 года і змясцілі пад варту. 22 красавіка ёй высунулі абвінавачванне ў парушэнні арт. 342 ч. 1 КК РБ (Арганізацыя і падрыхтоўка дзеянняў, якія груба парушаюць грамадскі парадак або актыўны ўдзел у іх).

Як прыгадвае намеснік старшыні Беларускай асацыяцыі журналістаў Барыс Гарэцкі, Аксана Колб, сярод тых журналістаў, якая прынцыпова не хацела пакідаць Беларусь і з’язджаць:

– На жаль спіс журналістаў за кратамі яшчэ не памяншаўся за апошні год, менш 20-ці чалавек, рэпрэсіі працягваюцца. Аксана Колб – гэта выдатны прафесіянал, выдатны патрыёт. Чадавека проста захапілі ў палон. Мы размаўлялі з галоўнымі рэдактарамі бельгійскіх выданняў і падлічылі, што з беларускіх мы маем 5-ць рэдактараў за кратамі. Нягледзячы на гэта выданні працягваюць сваю працу, здаецца тут ёсць чым ганарыцца.

7 чэрвеня пачынаецца працэс над галоўным рэдактарам газеты „Новы Час” Аксанай Колб. Суд Цэнтральнага раёна Менска, суддзя Карсюк Д.С. Аксана Колб знаходзіцца на Валадарскага, СІЗА №1.

„Новы Час” — беларуская агульнапалітычная штотыднёвая газета. Улады яе закрылі пасля падзеяў 2020 года, як і іншыя незалежныя сродкі масавай інфармацыі.

Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк