Belarus. Banned books. Забароненыя кнігі Беларусі. Прэм’ера фільма

2026-02-05 13:25

Забарона кніг — гэта не толькі акт цэнзуры, але і парушэнне права на свабоду слова і на доступ да інфармацыі, замацаванага міжнароднымі дамовамі.

Беларускі ПЭН дакументуе кожны выпадак, каб праўда пра культурныя рэпрэсіі была захавана і пачута. У фільме мы расказваем пра сітуацыю з забароненымі кнігамі ў Беларусі і па ўсім свеце, пра гісторыю забаронаў і пра юрыдычныя наступствы. Таксама мы паразмаўлялі з людзьмі, якія сутыкаюцца з гэтай тэмай — з аўтарамі, выдаўцамі, міжнароднымі экспертамі і праваабаронцамі: яны падзяліліся сваім поглядам на праблему забароны кніг.

Героямі і гераінямі фільма сталі: Таццяна Нядбай (Беларускі ПЭН), Даньель І. Пэдрэйра (ПЭН Куба), Юстына Чэхоўска (Польскі ПЭН-клуб), Ханна Нордэль (Шведскі ПЭН), Джэніфер Фіні Бойлан (ПЭН Амерыка), Андрэй Янушкевіч (беларускі выдавец), Юры Козікаў (юрыст, Беларускі ПЭН).

Фільм даступны з дзвюма версіямі субтытраў: беларускія + англійскія, беларускія + польскія.

Стужка дапамагае зразумець, што цяпер адбываецца з беларускай кнігай, з якімі рэпрэсіямі яна сутыкаецца і як гэта адбіваецца на стане беларускай культуры агулам. Упершыню ён быў паказаны ў лістападзе 2025 года ў Гданьску на выставе «Беларусь. Галасы забароненых кніг», падчас правядзення цырымоніі прэміі Гедройця. Цяпер выстава дэманструецца ў Музеі Вольнай Беларусі да 7 лютага 2026 года. Падрабязней пра выставу чытайце тут.

Атрымаць больш інфармацыі можна на сайце bannedbooks.penbelarus.org.

Крыніца: Беларускі ПЭН

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк