Belarus Live 07.11.2008

Усясьветны фінансавы крызыс пакрысе пачынае ўплываць і на Беларусь. Першымі гэта канстатавалі незалежныя экспэрты, а цяпер асьцярожна прызнаюць ужо і чыноўнікі. Шэраг беларускіх банкаў прыпыніў на няпэўны час выдачу крэдытаў, а тыя банкі, што працягваюць выдаваць крэдыты, падвысілі пры гэтым стаўкі, паведамляе рэсурс InfoBank.by. Кіраўніцтва краіны засьцерагаецца панікі насельніцтва і робіць захады дзеля павышэньня ступені гарантаванасьці банкаўскіх унёскаў. Таксама становяцца болей выгаднымі ўмовы дэпазытаў, хаця падвышэньне працэнтных ставак не пасьпявае за ростам інфляцыі, якая па выніках году можа скласьці, паводле афіцыйных заяў, 14% (незалежныя эканамісты прагназуюць 20%). Падтрымаць беларускую фінансавую сыстэму ў гэтых умовах можа расейскі крэдыт. 13 лістапада бакі падпісалі пагадненьне пра даваньне Беларусі крэдыту на два мільярды даляраў. Як чакаецца, першы мільярд краіна атрымае неўзабаве, а другі — на пачатку 2009 году.

• Месца выхаду: Мінск
• Дата выхаду: 2008-11-07
• Copyright: © 2006-2009 by Belarus Live
• Кнігазбор: Kamunikat.org
• Дадатковая даведка: http://belarus-live.eu