Belarus Live 23.11.2007

Х Менскі форум, які прайшоў 22-24 лістапада, мяркуючы па ўдзеле ў ім шматлікіх прадстаўнікоў ЭЗ, Нямеччыны і беларускага рэжыму, абяцаў стаць новым, заўважным імпульсам у нармалізацыі адносінаў Беларусі з аб’яднанай Эўропай. У выступах заходніх гасьцей форуму асаблівая ўвага надавалася Беларусі менавіта як краіне, празь якую ажыцьцяўляецца транзыт энэргарэсурсаў і тавараў. Пры гэтым пастаянна гучала запэўніваньне, што Брусэль не намераны «ізаляваць» Беларусь і гатовы да дыялёгу, які грунтаваўся бы на 12 вядомых умовах па вызваленьні палітзьняволеных, забесьпячэньні правоў і свабодаў чалавека, свабоды слова і СМІ, правядзеньні празрыстых і сумленных выбараў. Варта зазначыць, што транзытнае значэньне Беларусі палягае ў прапампоўваньні 20% пастаўлянага ў Эўропу расейскага газу (80% ідуць праз Украіну) і каля 45-50 млн. тонаў нафты. Пры гэтым Бэрлін сьцьвярджае, што закрывае расейскай нафтай толькі 30% патрэбы краіны ў чорным золаце.

• Месца выхаду: Мінск
• Дата выхаду: 2007-11-23
• Copyright: © 2006-2009 by Belarus Live
• Кнігазбор: Kamunikat.org
• Дадатковая даведка: http://belarus-live.eu