Belarus Live 27.11.2008

Важнай падзеяй у галіне СМІ стала вяртаньне газэтаў «Наша Ніва» і «Народная воля» ў шапікі «Белсаюздруку» і падпісныя каталёгі «Белпошты». Гэтыя падзеі не зьмянілі характар узаемадачыненьняў уладаў зь незалежнай прэсай, але, тым ня менш, служаць знакам зьмякчэньня палітычнага клімату ў краіне. Газэта «Народная воля» заключыла дамовы зь «Белсаюздрукам» і «Белпоштай» на распаўсюд выданьня празь сетку распаўсюду дзяржаўных манапалістаў. Акрамя таго, галоўны рэдактар «Народнай волі» Ёсіф Сярэдзіч заключыў дамову з Домам друку на паліграфічныя паслугі (дагэтуль газэта друкавалася ў Смаленску). Газэта ўжо зьявілася ў шапіках «Белсаюздруку». Паводле шэф-рэдактара «Нашай Нівы» Андрэя Дынько, газэта заключыла дамову зь «Белпоштай», і ёй, як «Народнай волі», прысвоены падпісны індэкс.

• Месца выхаду: Мінск
• Дата выхаду: 2008-11-27
• Copyright: © 2006-2009 by Belarus Live
• Кнігазбор: Kamunikat.org