Беларускі праваслаўны службоўнік

Уладару неба й зямлі, прадвечны Божа! Ласка Твая да нябёсаў, а праўда над воблакі! Ты ўвесь сьвет стварыў і Духам Сьвятым ўсё прасьвятляеш, ажыўляеш і мацуеш. А людзкі род так палюбіў, што Свайго Сына адзінароднага на зямлю паслаў, каб усе, што ўвераць у Яго, сталі дзяцьмі Тваймі, удзельнікамі Твайго нябеснага валадарства. Мы, дзеці Беларускага Народу, стараліся выканаць волю Тваю й запаветы Твае; у шчырай пакоры просім Цябе, выбач нам сьвядомыя і несьвядомыя правіны нашы. Сьцеражы нас ад ўсялякіх спакусаў, пашлі нам еднасьць, згоду і паразуменьне. Умацуй Сьвятым Духам Тваім зьняволеных братоў і сёстраў нашых – працай абцяжараных, і тых, хто ў турмах пакутуе. Дабраслаў нашае сьвятарства і дабраслаў працу сялянства, работнікаў, настаўнікаў, пісьменьнікаў, вучоных, каб наш народ мог разумна й добра жыць і Цябе, Айца нашага нябеснага, увесь час славіць. (Малітва за Беларускі Народ, фрагмэнт)

• Месца выхаду: Львоў
• Дата выхаду: 2011
• Катэгорыя: Рэлігія
• Кнігазбор: Kamunikat.org