Беларускі стэнд на Кірмашы гістарычнай кнігі ў Варшаве

2024-11-14 20:19

З 28 лістапада па 1 снежня ў Варшаве адбудзецца Кірмаш гістарычнай кнігі. Дзякуючы намаганням Цэнтра беларускай салідарнасці на кірмашы быў створаны асобны беларускі стэнд, дзе будуць прадстаўлены беларускія кнігі, вядомыя аўтары і незалежныя выдавецтвы.

Мерапрыемства пройдзе ў самым сэрцы Варшавы — у Каралеўскім замку (plac Zamkowy 4).

Кірмаш гістарычнай кнігі ў Варшаве — адзін з самых прэстыжных і вядомых у Польшчы, які праводзіцца штогод ужо трыццаць другі раз.

Неўзабаве будзе абвешчаны спіс прэзентацый кніг ад беларускіх аўтараў, з якімі можна будзе сустрэцца, задаць пытанні і атрымаць аўтограф.

фота zamek-krolewski.pl

Крыніца: Міжнародны саюз беларускіх пісьменнікаў

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк