Беларускія кнігі на Варшаўскім гістарычным кірмашы

2025-11-29 16:06

:/:

У Варшаве з 27 да 30 лістапада працуе кірмаш гістарычнай кнігі. Беларускія выданні тут таксама можна набыць — на стэндзе № 75.

Распавядае кіраўнік фонду «Kamunikat.org», які таксама далучыўся да імпрэзы, Яраслаў Іванюк:

— У асноўным на гэтым кірмашы прадстаўлены гістарычныя кнігі, калі гаварыць пра польскіх выдаўцоў, але беларускія выдаўцы традыцыйна прывозяць на гэты кірмаш усю сваю прадукцыю. Тут ёсць і дзіцячыя кнігі, ёсць вядома і гістарычныя, але таксама мастацкая літаратура. У асноўным гэта кнігі, якія выйшлі па-за межамі Беларусі ў эміграцыі.

Акрамя таго, на падзеі можна купіць і беларускі мерч: ад тэматычных торбаў і паясоў да значкоў і налепак.

Падзея ладзіцца ў Каралеўскім замку (plac Zamkowy 4) з 10:00 да 18:00.

Цалкам матэрыял — у далучаным гукавым файле!

Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк