Беларускія кнігі перадалі ў Бібліятэку Кангрэса ЗША

2025-02-21 21:35

Прадстаўнікі Інстытута беларускай кнігі расказалі ў сваім тэлеграм-канале, што ў Бібліятэку Кангрэса ЗША была перададзена партыя беларускіх кніг.

Спіс перададзеных выданняў выглядае так:

Валянцін Акудовіч “Трэба ўявіць Сізіфа шчаслівым”

“Міхал Анемпадыстаў. Простыя словы”

Артур Басак (пры ўдзеле Аліны Длатоўскай) “Беларускія нячысцікі. Лясныя”

Альгерд Бахарэвіч “Папяровы голем”

“Бел-чырвона-белы: сцяг, нацыя, ідэнтычнасць”

Дар’я Бялькевіч “Слёзы на вецер”

Ева Вежнавец “Па што ідзеш, воўча?”

Наталка Кучмель “Залатое”

Уладзь Лянкевіч “70% вады”

Саша Філіпенка “Былы сын”

Андрэй Хадановіч“Дзікае паляванне караля Стаха” (вершы да оперы)

Надзея Ясмінска і Кацярына Дубовік “Як Меша знайшоў хвост”

У Інстутуце беларускай кнігі кажуць, што выданні былі сабраныя на дабрачыннай аснове — закупленыя за ўласныя сродкі ці прынятыя ў дарунак ад прыватных асобаў.

Так, Інстытут дзякуе сярод іншага суполцы “Prostyja slovy. Kniha pra Michala Aniempadystava” і асабіста Іяланце Кільян, Веры Дзядок і Аляксандры Дварэцкай за кнігу пра Міхала Анемпадыстава.

Крыніца: Міжнародны саюз беларускіх пісьменнікаў

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк