Белы гарлачык

Перад тым, як разгарнуць паэтычны зборнічак Жэні Мартынюк пад назваю “Белы гарлачык”, не ўтрымаешся, каб хві­лінку не палюбавацца на выяву кветкі на вокладцы. Сярод халоднага колеру вады ў аздобе абыякава-безаблічных талерак лісьцяў асабліва выразна бачыцца адзінокая прыгажосьць чысьцюткіх пялёсткаў безабароннага белага гарлачыка, што пакорліва гайдаецца-трапечацца на хвалях, падуладны зьменлівым настроям капрызьлівага ветрыку… Кампазіцыйна кніжка складаецца з трох частак. У першай акварэльнымі фарбамі пастэльных таноў выканала мастачка эцюд сьвету сваіх пачуцьцяў. Тут інтанацыі пераважнай большасьці вершаў журботныя і песімістычныя. Гэта чуйнае рэха жаночых расчараваньняў, страта колішніх спадзяваньняў… Відавочны лейтматыў зборніка – сумная рэфлексія пра кволасьць чалавечых адносінаў, інтуітыўнае прадчуваньне блізкай зімы каханьня. Менавіта гэты мінорны настрой агучвае радкі самотнай музыкай жалейкі, ахутвае тонкай лірычнай меланхоліяй… (Лада Алейнік, Дзеяслоў)

• Месца выхаду: Беласток
• Дата выхаду: 2004
• Рэдактар: Тварановіч Галіна
• Выдавец: Беларускае Літаратурнае Аб’яднанне Белавежа
• Выдавецтва/ друкарня: Prymat, Białystok
• ISBN: 83-88097-52-0
• Катэгорыя: Мастацкая літаратура
• Copyright: © 2004 by Eugenia Martyniuk
• Кнігазбор: Kamunikat.org, Каталёг MiOKB
• Інвэнтарныя нумары: MiOKB — 8938
• Дадатковая даведка: Publikacja ukazuje się dzięki pomocy finansowej: Zakładu Energetycznego S.A. w Białymstoku; APTEKA Aleksego Syczewskiego, Bielsk Podlaski; Przedsiębiorstwa Drogowo-Mostowego MAKSBUD Spółka z o.o. Bielsk Podlaski