Бібліятэка ў Астраўцы атрымала імя Адама Мальдзіса

2022-07-12 22:30

Астравецкая раённая бібліятэка атрымала імя літаратуразнаўцы, гісторыка, пісьменніка Адама Мальдзіса. Адбылося гэта ў адпаведнасці з рашэннем мясцовага райвыканкама.

Як піша сын Адама Мальдзіса Яраслаў, шыльда на будынку бібліятэкі з'явіцца да 7 жніўня, 90-х угодкаў з дня нараджэння навукоўца.

Сёлета Адам Мальдзіс памёр на 90-м годзе жыцця. Ён быў блізкім сябрам Уладзіміра Караткевіча, пра якога напісаў кнігу ўспамінаў "Жыццё і ўзнясенне Уладзіміра Караткевіча: Партрэт пісьменніка і чалавека".

Доўгія гады Мальдзіс узначальваў Нацыянальны навукова-асветніцкі цэнтр імя Францішка Скарыны.

Крыніца: Еўрарадыё

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк