Блогерка belaruskayavesachka напісала кнігу — перадзаказ

2025-11-13 21:19

Блогерка Алеся Шацёр, якая вядзе каларытны блог пра вёску @belaruskayavesachka, напісала кнігу прозы з назвай «Заходзь, душа, пагрэцца». Кніга мае выйсці ў выдавецтве Рамана Цымберава. Цяпер абвешчана папярэдняя замова праз сайт Kniger.by.

«Гэтая кніга пахне вясковай хаткай, яблыневымі садамі, разамлелымі на сонцы, і сенцам, складзеным у стажкі. Гэта светлы гумар, цеплыня і надзея, якой не хапае нашай душы у няўмольным віры жыцця. Калі за сценкаю дзьмуць сіверныя вятры, няхай гэтая кніга стане натопленай грубкай, да якой вы прытуліцеся плячыма», — гаворыцца ў апісанні да кнігі.

Усе, хто замовяць кнігу папярэдне, атрымаюць асобнік з аўтографам аўтаркі.

Загалоўнае фота Андрэя Лянкевіча

Крыніца: Міжнародны саюз беларускіх пісьменнікаў

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк