Брылеўскі летапіс 10

Скарбы фамільных архіваў Спадзяванні “Брылеўскага летапісу”, аб якіх нагадвалася у № 1, спраўдзіліся: пакрыху пачалі адчыняцца дзверы фамільных архіваў нашых аднавяскоўцаў. І адразу ўзняўся векапомны і магутны подых мінулых часоў. І Памяць, варухнуўшыся, прынесла незабыўнае хваляванне. Бо без мінулага не бывае будучыні... Углядайцеся ў вочы продкаў - яны глядзяць адтуль і спадзяюцца на нас. Бо мы - працяг іх радасці і смутку, здзіўлення і хвалявання, кахання і дабрыні. Няхай жа яны дапамагаюць нам жыць! Спрадвеку зямля-карміцелька была асновай і сэнсам існавання вясковага гаспадара. Гэта добра разумеў заможны селянін вёскі Першыя Рэчкі Талпечыцкай воласці Магілёўскага ўезда Емельян Фаміч Манкевіч, калі ў 1910 годзе праз Сялянскі Пазямельны Банк набыў ладны ўчастак зямлі, вымежаваны з маёнтка Брылі - былога ўладання памешчыка Освальда Густававіча Керстэнса. І ў гэтых новых мясцінах распачаў Емельян Фаміч новае жыццё, пусціў у гэтую зямлю дужыя карані - са спадзяваннямі на ўсё лепшае…

• Месца выхаду: Брылі
• Дата выхаду: 2006-08
• Рэдактар: Яцкоў Мікола
• Copyright: © 2006 by Брылеўскі летапіс
• Кнігазбор: Kamunikat.org
• Дадатковая даведка: Інфармацыйна-грамадскі бюлетэнь для жыхароў Брылеўскага рэгіёна і наваколля. Распаўсюджваецца бясплатна. Наклад 50 асобнікаў. Адрас для карэспандэнцыі: 213107 Магілёўскі раён п/а Брылі; тэл. 3732886 (VELCOM), 218449, 218498; e-mail: nvff@rambler.ru Выданьне публікуецца тут за ласкавай згодай Рэдакцыі