Брылеўскі летапіс 24 (43)

Ручная работа У нашы дамы прыйшло цяпло -- пачаўся чарговы ацяпляльны сезон. Брылеўцы ведаюць, што ў нас ёсць кацельная і там працуюць адказныя за сваю справу людзі. Але якімі намаганнямі здабываецца неабходнае цяпло, ведае не кожны. Таму і друкуем мы гэтыя фотаздымкі. Я магу зразумець, што ў нашай краіне ўсталяваўся рэжым эканоміі з пераходам на мясцовае паліва. Але асабіста мне не вельмі зразумела, чаму Леанід Уладзіміравіч Смяшкоў, а таксама і астатнія работнікі брылеўскага ўчастка “Жылкамунгаса” павінны вось такім дапатопным чынам вырабляць цяпло для нашых дамоў і ўстаноў? Гэта ж колькі трэба здароўя, каб пасекчы такія калоды? А потым яшчэ дацягнуць да топкі, укінуць, паварушыць, выгарнуць вуголле... Я не ведаю, якія тут існуюць стандарты ды расцэнкі і толькі спадзяюся на тое, што хлопцы за такую працу атрымліваюць неблагія грошы. Бо ручная работа заўсёды цэніцца і каштуе дорага.

• Месца выхаду: Брылі
• Дата выхаду: 2007-11
• Рэдактар: Яцкоў Мікола
• Copyright: © 2007 by Брылеўскі летапіс
• Кнігазбор: Kamunikat.org
• Дадатковая даведка: Інфармацыйна-грамадскі бюлетэнь для жыхароў Брылеўскага рэгіёна і наваколля. Распаўсюджваецца бясплатна. Наклад 50 асобнікаў. Адрас для карэспандэнцыі: 213107 Магілёўскі раён п/а Брылі; тэл. 3732886 (VELCOM), 218449, 218498; e-mail: nvff@rambler.ru Выданьне публікуецца тут за ласкавай згодай Рэдакцыі