Бяздоннае багацце

Прыказкі, прымаўкі, трапныя выказванні, замовы, легенды, казкі і паданні – скарбніца народнай літаратуры, народнай культуры у літаратурнай апрацоўцы Вацлава Ластоўскага. Правільней было б сказаць, што кніга, якую прадстаўляем на старонках інтэрнэт-бібліятэкі kamunikat.org – аўтарскія апавяданні, казкі і легенды, асновай якім паслужыў народны фальклор для дзяцей і моладзі (дарэчы, інакш і быць не можа). Дагэтуль мы былі знаёмыя з Вацлавам Ластоўскім выключна як з “сур’ёзным” даследчыкам, пісьменнікам, даследчыкам, навукоўцам. Тымчасам у яго спадчыне захаваўся цэлы шэраг твораў для дзяцей і моладзі, але, не проста забаўляльных тэкстаў, а тэкстаў для чытання, для вучобы, для пазнання культуры, мовы, літаратуры і багацця народнай спадчыны. У кнізе знойдзем таксама успаміны. Гэта і сустрэчы з вядомымі людзьмі, успаміны з дзяцінства, мемуарная літаратура. (Н.Г.)

• Месца выхаду: Мінск
• Дата выхаду: 2001
• Рэдактар: Янушкевіч Язэп
• Выдавец: Юнацтва
• ISBN: 985-05-0345-9
• Катэгорыя: Культура, Мастацкая літаратура, Крыніцы
• Copyright: © 2001 by Язэп Янушкевіч - укладанне, прадмова; Галіна Хінка-Янушкевіч - афармленне
• Кнігазбор: Kamunikat.org