CD, Студэнцкая Думка 12/2003

Сапраўдныя пацаны не шыраюцца, не здымаюцца ў мыльных опэрах і ня румзаюць. Яны не накрываюцца чатырохколымі матацыкламі на роўным месцы. Сапраўдныя пацаны баразьняць прасторы Сусьвету на супэрмагутных касьмічных караблях і нават у тры тысячы год выглядаюць як агуркі, таму што карыстаюцца выключна кампактнымі люмінісцэнтнымі лямпамі цокальнага тыпу. Усіх астатніх мы называем проста - бабы. Сапраўднай бабай у портках апынуўся Озі ОЗБАРН, адзін з герояў тэлесэрыялу Osbornes, у мінулым - вакаліст вядомага гумарыстычнага ВІА "Чорны шабас" (Black Sabbath). 8 сьнежня недалужны 55-гадовы рокер разьбіўся на сваім матацыкле, катаючыся па ўласным маёнтку ў графстве Бэкінгемшыр (Вялікабрытанія). Наехаўшы на перашкоду, ён вылецеў зь сядла і на некалькі сэкундаў памяняўся месцамі са сваім чатырохколым сябрам. У выніку са зламанымі васьмю рэбрамі, левай ключыцай і шыйным пазванком ён быў дастаўлены ў шпіталь і падключаны да вэнтылятара.

• Месца выхаду: Менск
• Дата выхаду: 2003-12
• Рэдактар: Віданава Ірына
• Copyright: © 2003 by Студэнцкая Думка
• Кнігазбор: Kamunikat.org
• Дадатковая даведка: Выданьне публікуецца тут за ласкавай згодай Рэдакцыі