Czasopis 6 / 2013

Наша рэдакцыйная сяброўка Лена Глагоўская задумала зрабіць надта важнае – ушанаваць у гэтым годзе памяць Мікалая Гайдука. Гэты заслужаны для Беласточчыны беларускі дзеяч, асветнік, журналіст і літаратар пайшоў з жыцця 2 верасня 1998 г. Нагодай, каб яго ўспомніць, апрача 15-ай гадавіны смерці ёсць яшчэ і 80-годдзе з дня нараджэння, бо паводле дакументаў прыйшоў ён на свет 29 красавіка 1933 г. Папраўдзе, аднак, – на два гады раней. Лена, якая калі за што бярэцца, робіць усё вельмі дакладна, высветліла, што бацькі проста „амалодзілі” сына ў час нямецкай акупацыі, пабойваючыся, каб немцы не вывезлі яго на прымусовыя работы. На магіле на беластоцкіх праваслаўных могілках пададзены, дарэчы, правільны год нараджэння – 1931.

• Месца выхаду: Беласток
• Дата выхаду: 2013-06
• Рэдактар: Chmielewski Jerzy
• Выдавец: Stowarzyszenie Dziennikarzy Białoruskich
• Copyright: © 2013 by Czasopis
• Кнігазбор: Kamunikat.org