Добры анёл беларускасці

Ніна Іванаўна Гілевіч, жонка паэта, добры анёл беларускасці. Кніга памяці, кніга пра асобу, якая па-сутнасці, заўсёды была крыху ў цені, але ўвесь час побач, а ў некаторых справах далёка наперадзе свайго мужа. Маладосць, знаёмства, сумеснае жыццё, змаганне з хваробай. Ніна Гілевіч, якая крочыла праз жыццё з высока паднятай галавой, была апірышчам сям’і, дарадчыкам, першым чытачом твораў свайго мужа, найважнейшвм крытыкам, жонкай, маці, сяброўкай, паплечніцай. Менавіта такой прадстае яна на старонках кнігі. Смерць забрала з сабою цудоўную асобу, якая многім давала сілу і для змагання, і для пераадолення цяжкасцяў. Не дазваляла на слабінку ні сабе, ні блізкім. Мовазнаўца, тонкі цаніцель жывога народнага гумару, пільны даследчык беларускага слова была скарбонкаю ведаў, энцыклапедыяй цытатаў, параўнанняў, эпітэтаў. Была дасканалым знаўцаю літаратуры з пункту гледжання мовы. Была...Была... Была... Кніга Ніла Гілевіча – вянок у памяць Анёла. Каб не загінула імя, каб захаваўся вобраз, каб не занікла памяць пра асобу, пра чалавека, пра руплівіцу на ніве беларускасці. (Н.Г.)

• Месца выхаду: Мінск
• Дата выхаду: 2007
• Рэдактар: Лялько К.
• Выдавец: Pro Christo
• Памеры: 144с., 4 л. уклейкі
• ISBN: 978-985-6628-99-6
• Катэгорыя: Мастацкая літаратура
• Copyright: © 2007 by Ніл Гілевіч
• Кнігазбор: Kamunikat.org, Прыватны каталёг