Дзмітрый Строцаў: У Берліне я выдаў ужо 6 кніг беларускай паэзіі

2023-09-03 12:45

:/:

Расейскамоўны паэт з Менска Дзмітрый Строцаў актыўна ўдзельнічаў у пратэстах 2020 года і нават пачаў пісаць паэтычныя рэпартажы пра тое, што бачыў на вуліцах. 21 кастрычніка 2020 года паэт быў выкрадзены пасярод вуліцы. На наступны дзень яго знайшлі ў ІЧУ Жодзіна, дзе паэт быў асуджаны на 13 сутак арышту.

Пасля адбыцця пакарання паэт пакінуў Беларусь. І цяпер выдае кнігі беларускай паэзіі ў Берліне.

– Быў перыяд, калі я згубіў выдавецкую ліцэнзію ў Беларусі і быў вымушаны перанесці дзейнасць у Расеі, для Беларусі. Зараз я выехаў і з Беларусі, і з Расеі, і адкрыў выдавецтва ў Берліне. Мяне гэта вельмі натхняе. Я выпусціў ужо 6 кніг беларускай паэзіі, працую яшчэ над некалькімі. У плане рэалізацыі я бачу, што ўсё адбываецца правільна. Але, канешне, я хачу быць дома, я хачу ўсе свае праекты рабіць дома.

У берлінскага выдавецтва Hochroth ёсць некалькі філіялаў у розных еўрапейскіх краінах. Дзмітрыю Строцаву прапанавалі адкрыць яшчэ адзін філіял пад назвай Hochroth-Minsk. У сваім выдавецтве ў Берліне Дзмітрый Строцаў ужо выдаў 6 кніг беларускай паэзіі – Ганны Севярынец, Насты Кудасавай, Крысціны Бандурынай, Ганны Комар, Артура Камароўскага і Вольгі Злотнікавай.

Кнігі можна заказаць па электронным адрасе: berlin@hochroth.eu.

Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк