Дзве кнігі Ганны Севярынец перавыдаюць пад адной вокладкай

2025-10-25 18:04

У Польшчы перавыдадуць дэбютную аповесць «Дзень святога Патрыка» і гістарычны раман «Гасцініца «Бельгія» Ганны Севярынец. Абедзве кнігі выйдуць пад адной вокладкай. Дыхтоўны том ужо можна папярэдне замовіць са зніжкай.

У новым выданні раманы яшчэ раз адрэдагаваныя, вёрстка ўзбагацілася фотаздымкамі горада і дзейных асобаў.

«Гасцініца «Бельгія» — гістарычны раман, прысвечаны аднаму з самых цікавых перыядаў у гісторыі сучаснай Беларусі, 1920-м гадам. Героі — маладыя паэты, якія будуюць асабістае жыццё і жыццё рэспублікі па канонах новага мастацтва. Кніга створана на падставе архіўных матэрыялаў і мемуарных крыніц.

Аповесць «Дзень Святога Патрыка» ўпершыню пабачыла свет у выдавецтве «Рэгістр» у 2017 годзе. Твор прысвечаны праблеме беларускай мовы і літаратуры.

Пры папярэдняй замове і папярэдняй аплаце кошт новага выдання да 7.11.2025 складае 75 злотых (пазней будзе ад 90 злотых). Для замовы і атрымання рэквізітаў на аплату выдаўцы просяць скантактоўвацца: ТГ @veryvala, czabor. kniharnia@gmail. com, +48 577 555 380.

Крыніца: Міжнародны саюз беларускіх пісьменнікаў

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк