Дзверы

Пад адной вокладкай зборніка знайшліся творы двух аўтараў, якіх спалучае неардынарнае мысленне, нетыповае бачанне свету. Зборнік „Дзверы”, перадусім, адметны тым, што ў ім паралельна з вершамі Надзеі Артымовіч змяшчаецца і прачытанне іх — маргіналіі паэта Алеся Разанава: удакладняючы тапаграфію вершаў і актывізуючы сэнсы, што тояцца ў іхняй, даволі герметычнай, прасторы, яны ўводзяць вершы ў кантэкст дыялогу. Безумоўна, прапанаванае тут прачытанне не з’яўляецца ні вычарпальным, ні адзіным магчымым; наадварот, яно зацікаўлена ў далейшай размове, у стварэнні такога кантэксту, у якім бы з’явы беларускай паэзіі знаходзілі ўсё больш поўнае самавыяўленне і асэнсаванне, і, такім чынам, станавіліся тым, чым яны ёсць. Размяшчэнне у адным зборніку твораў абодвух майстроў слова – гэта не сутыкненне двух розных сусветаў, гэта арганічнае дапаўненне свету паэзіі глыбокімі і філасофскімі словамі, назіраннямі.

• Месца выхаду: Беласток
• Дата выхаду: 1994
• Рэдактар: Чыквін Ян
• Выдавец: Беларускае літаратурнае аб’яднанне Белавежа
• Выдавецтва/ друкарня: Orthdruk, Białystok
• ISBN: 83-85918-02-7
• Катэгорыя: Мастацкая літаратура
• Copyright: © 1994 by Nadzieja Artymowicz, Aleś Razanaŭ
• Кнігазбор: Kamunikat.org, Каталёг MiOKB, Прыватны каталёг
• Інвэнтарныя нумары: MiOKB — 3221(?), 3714
• Дадатковая даведка: Publikacja finansowana przez Ministerstwo Kultury i Sztuki Выданьне публікуецца тут за ласкавай згодай БЛА Белавежа