Ганна Кетліньска: Кажам «Крэсы», але ўсіх нас яднае Вялікае княства Літоўскае

2021-11-20 15:18

:/:

Фотавыстава «Твары Крэсаў» адкрылася ў цэнтры Беластоку. Свае работы прадставілі фатографы з Падляшша, Беларусі, Літвы і Латгаліі.

Над пытаннем, якая агульная ідэнтычнасць яднае ўдзельнікаў і герояў фотакадраў выставы, разважае арганізатар, прэзідэнт Падляшскай філіі Таварыства «Польская грамада» Ганна Кетліньска:

- На маю думку кожнай патроху. Мы Еўрапейцы, Падляшша гэта нашая малая Радзіма, а чуемся і удзельнікамі Вялікага Княства Літоўскага, увесь час мусім пра гэта памятаць. Памятаць пра гэты досьвед – аб’яднанне дзвух, трох народаў, і мы гэта чуем. Канеўне, зараз ужо іншая гісторыя, але чуем такую ідэнтычнасць. То дае чалавеку мудрасць, і зусім іншыя перспектывы.

Выстава на адкрытым паветры «Твары Крэсаў» будзе даступная для публічнага агляду на пляцы Касцюшкі цягам двух тыдняў.

Вольга Сямашка, Беларускае Радыё Рацыя

Фота аўтара

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк