Гародня Х - ХХ стст.

“Гародня Х – ХХ стст. Каралеўскі горад з правінцыйным лёсам” - чарговае выданне кніжнай серыі “ГАРАДЗЕНСКАЯ БІБЛІЯТЭКА”. З усіх старажытных беларускіх гарадоў сёння найбольш актыўна даследуецца Гародня. Кніга “Гародня Х – ХХ стст. Каралеўскі горад з правінцыйным лёсам” яшчэ адзін таму прыклад. 11 гісторыкаў з Беларусі і Польшчы ажыццявілі першае ў гісторыі сумеснае беларуска-польскае даследаванне мінуўшчыны горада на сумежжы цывілізацый. Аўтары паставілі перад сабой мэту не толькі паказаць уласнае разуменне падзеяў, але і ўзаемна ўшанаваць польскі і беларускі ўнёсак у развіццё Гародні. Адначасова належная ўвага ў кнізе нададзена гарадзенскай габрэйскай суполцы, якая была значным дэмаграфічна-эканамічным чыннікам Гародні ад сярэднявечча да ХХ ст. Кніга складаецца з арыгінальных тэкстаў, створаных адмыслова для гэтай кнігі і ўкладзеных у чатыры раздзелы: “Х – XV стст. Горад рыцараў, дойлідаў і гандляроў”; “XV – XVIIIстст. Каралеўскі горад пад Магдэбургскім правам”; “Канец XVIII – пачатак ХХ ст. Горад супраць Імперыі”; “ХХ стагоддзе. Змаганне за горад”.

• Месца выхаду: Гародня
• Дата выхаду: 2014
• Рэдактар: Смалянчук Аляксандр
• Выдавец: Гарадзенская Бібліятэка
• Памеры: 514 с.
• ISBN: 978-83-7893-160-7
• Катэгорыя: Гісторыя, Культура
• Copyright: © 2014 by Гарадзенская Бібліятэка, Kolegium Europy Wschodniej im. Jana Nowaka-Jeziorańskiego we Wrocławiu
• Кнігазбор: Kamunikat.org
• Дадатковая даведка: У дызайне вокладкі выкарыстаныя элементы карціны Андрэя Філіповіча. На пярэднім фарзацы: "Панарама Гародні, др. пал. 50-х гг XX ст." (здымак з калекцыі "Гарадзенскай Бібліятэкі", адрэстаўраваны У. Кіслым). На тыльным фарзацы: "Гарадзенскі дворык". Фота М. Анішчанкі. Здымкі ў кнізе з калекцыі “Гарадзенскай Бібліятэкі” і асабістага архіву М. Анішчанкі.