Газета Слонімская 36 (587) 2008

Антон Дабрэнка: “Камбайнер за працу на жніве атрымае па 3-4 мільёны” Сёлета гаспадаркамі Слонімскага раёна намалочана больш за 87 тысяч тон збожжа. Гэта на 30 тысяч больш, чым летась. Самай вялікай ураджайнасці на жніве дабіліся хлебаробы СВК “Сянькоўшчына” — 52,4 ц з гектара. Усяго ў гэтым кааператыве намалацілі 10 696 тон збожжа. З гэтай нагоды карэспандэнт “ГС” звязаўся па тэлефоне са старшынёй СВК “Сянькоўшчына” Антонам Дабрэнкам і задаў яму некалькі пытанняў. — Антон Станіслававіч, Ваша гаспадарка сёлета на Слонімшчыне дабілася самых высокіх паказчыкаў на жніве. Гэта нейкая выпадковасцьці так і павінна быць? — Да такіх вынікаў мы ішлі тры гады, але нам заўсёды перашкаджала надвор’е. Сёлета мы таксама зрабілі ўсё згодна з усімі правіламі агратэхнікі. З восені ўнеслі на палі нямала арганічных угнаенняў, вясною — больш мінеральных угнаенняў. Сур’ёзная ўвага надавалася абароне раслін ад пустазелля і хваробаў. Ды і на жніве пастараліся нашы камбайнеры. Некаторыя з іх намалацілі па дзве тысячы тон збожжа. На днях мы завяршылі ўборку грэчкі, а значыць, нас цяпер можна павіншаваць з поўнымі дажынкамі.

• Месца выхаду: Слонім
• Дата выхаду: 2008-09-03
• Рэдактар: Валадашчук Віктар
• Copyright: © 2008 by Газета Слонімская
• Кнігазбор: Kamunikat.org
• Дадатковая даведка: Аўтары апублікаваных матэрыялаў адказваюць асабіста за падбор і дакладнасць фактаў, іх меркаванні могуць не супадаць з поглядам рэдакцыі. Рэдакцыя не вядзе перапіскі з чытачамі і пакідае за сабою права рукапісы не рэцэнзаваць і не вяртаць. Рэдакцыя таксама не адказвае за змест рэкламы; Юрыдычны адрас: 231800, г. Слонім, вул. Брэсцкая, 109а, кв.12; для карэспандэнцыі: 231799, г. Слоним-9, а/я 32. Выданьне публікуецца тут за ласкавай згодай Рэдакцыі