Год

У Гародні адраджэнцкі рух адметны тым, што яго вызначаюць заводскія інжынеры, якія не падводзяць жыццё пад тэарэтычныя абстракцыі, адчуваюць яго на ўласнай скуры, бо за кожным — змена, цэх, канструктарскае бюро. Пакаленне трыццацігадовых,— у літаратуры яны чамусьці лічацца маладымі,— здолела супрацьстаяць брэжнеўшчыне, не дало сябе апрануць у бясколерную стандартную уніформу. Алесь Чобат быў нязручны для начальства сваёй нестандартнасцю. На заводзе аўтамагнітолаў і «Азоце» далей працуюць зробленыя па яго праектах прэсформы, але аўтар быў вымушаны пайсці ў свет. Апошняе звальненне прама звязанае з першым мітынгам БНФ у Гародні 26 лістапада 1989 года, які паспяхова правёў Алесь. Зборнік «Год» — гэта імпульс неспакойнага часу, усяго няўтульнага жыцця непадкупнага пакалення, якое нібыта нікому не патрэбна, але якое на попеле ўсіх чалавечых вартасцей не ўпала і знайшло сілы застацца людзьмі, а таму патрэбнае ўсім. (Д. Бічэль-Загнетава, «Але заўжды патрэбна будзе воля...», фрагмэнт)

• Месца выхаду: Мінск
• Дата выхаду: 1992
• Выдавец: Мастацкая літаратура
• Выдавецтва/ друкарня: Мастацкая літаратура
• Памеры: 79 с., 17 см
• ISBN: 5-340-00967-Х
• Катэгорыя: Мастацкая літаратура
• Copyright: © 1992 by Алесь Чобат
• Кнігазбор: Kamunikat.org